Mannleg framtíð og hollt heimafengið grænmeti

Það er sorglegt hvernig virðist vera að fara fyrir íslenskri ylrækt á grænmeti og blómum og ömurlegt að ríkisvaldið hafi ekki getað stutt betur við þessa iðngrein sem á sínum tíma stóð fyrir uppbyggingu heilu bæjanna. Það má benda á fjölmarga bæi sem byggðust upp í kringum gróðurhúsaræktunina, Hveragerði, Flúðir, Laugarás, Reykholt, Kleppjárnsreykir og fleiri. Íslendingar með alla sína ódýru orku í formi heits vatns og rafmagns og hugvit virðast ekki ætla að geta haldið áfram því frábæra starfi sem þeir garðyrkjumenn sem byggðu upp iðnaðinn í áðurnefndum bæjum og víðar hófu. Hversu mikið er rafmagnið í stóriðjuna niðurgreitt á kostnað okkar og komandi kynslóða?

 Úr matjurtagarðinum í Grasagarðinum í Laugardal/ mynd Samson Bjarnar Harðarson

Á krepputímum og með hugsanlegri breytingu á markaðkerfi og óstjórnlegum flutningi á vörum um langan veg milli landa (sem byggir á (stríðsrekstri) niðurgreiddri olíu frá Írak og víðar) mætti nú aftur efla þennan atvinnuveg hér. Það er ólíkt minni fjárfesting en í heilu álverunum, sem samkvæmt grein Indriða H. Þorlákssonar fyrrverandi ríkisskattstjóra í mogganum í dag, eru ekki að gefa allt of mikið að sér fyrir þjóðarbúið. Það mætti líka segja mér að meiri raunveruleg lífsgæði og menning fylgi aukinni garðyrkju heldur en álframleiðsla sem að því virðist fer mest í bjór og gosdósir í Bandaríkjunum m.a. vegna þess að þær eru ekki endurunnar. Það er heldur ekki úr vegi að hægt sé að flytja út grænmeti og blóm til Evrópu, landrými þar fer minnkandi og framleiðsla í sumum "ódýru" löndunum byggir aðallega á arðráni á fólki og náttúru s.s.  gríðarleg ræktun á Spáni, þar sem notast er við innflutt vinnuafl, vatn sem er af skornum skammti og eitur af öllu tagi.

Garðyrkjan er hluti af Nýja Íslandi

Aðför ríkisins að íslenskri garðyrkju

Appelsínugul mótmæli að mínu skapi, vantaði þó bálið með salsataktinum

Mér fannst frábært í gær hversu vel friðarmótmælendurnir breyttu ásýnd mótmælanna. Ég verð þó að viðurkenna að ég saknaði bálsins, það gefur svo góða stemmningu með seiðandi reykvíska salsataktinum sem hefur þróast í þessum mótmælum. Það er heldur ekki verra að hafa eldin að orna sér við í kuldanum.

Appelsínugul mótmæli

Niðurnídd hús bjóða upp á íkveikju - hvað segir borgarstjóri

Það er ekki skrítið að niðurnídd hús verði fyrir íkveikju, þau bjóða upp á það. Það er efalaust eigendunum ekkert á móti skapi að kveikt sé í húsum sem þeir vilja rífa. Þetta er að verða til skammar hvernig mál eru á Laugarveginum og víðar, allt fullt af grotnandi húsum. Það væri gaman að heyra frá borgarstjóra varðandi stöðu gamalla grotnandi húsa í miðbænum. Nóg var við haft við að kaupa húsin á Laugarvegi 2-4.

Grunur um íkveikju í Sirkushúsinu

Grotnandi Laugavegur

Það er athyglisverð grein sem Ólafur Þórðarson arkitekt skrifar á bloggsíðu sinni http://veffari.blog.is/blog/veffari/entry/481123/ þar sem hann fjallar um hvernig braskarar halda húsum og lóðum á Laugaveginum í gíslingu. Á meðan grotna húsin niður, eða eru hreinlega rifin og gapandi sárin skilin eftir.
Það er ömurlegt að fjárbraskarar geti leikið sér á þennan hátt að örlögum Laugavegar alveg skeytingalausir um framtíð hans. Enn eitt dæmið um græðgisvæðinguna eða hvað?  Það hlýtur að vera í valdi borgarstjórnar að gera eitthvað í þessum málum, ber mönnum ekki skilda að halda eignum sínum við og trygga að þær séu ekki til óþæginda eða slysahættu fyrir samborgara sína? . Þetta er vítahringur sem verður að brjóta.

Spurning hvað við fólkið getum gert, gerast hústökufólk til að halda húsunum lifandi?  Það gæti hreyft við einhverju. Kannski að unga fólkið sem sumt hvert er að bugast af greiðslubyrði gæti nýtt sér þessi hús.........

Það er þó eitt sem við getum gert til að auka veg og vanda Laugavegarins, að nota hann--USE IT OR LOOSE iT!!

  Litli garðurinn við hliðina á Hljómalind er með sínum ljómandi fallegu reynitrjám einn af fáum grænum blettum við annars gráann Laugarveg. Þetta á nú allt að hverfa og er þegar farið að rífa Sirkus sem er þarna á bakvið. Þetta er frábær sólrikur staður sem færi vel á að gera að gera upp sem lifandi torg þar sem hægt væri að servera kaffi utandyra á sólrí,kum stöðum og jafnvel koma upp útimarkaði eins og stundum hefur verið gert.  

Sjáumst á Laugaveginum

Ekki sjálfsagt að rífa Sirkus

Húsið sem skemmtistaðurinn Sirkus er í auk hús Hljómalindar og litla garðtorgið sem snýr að Laugarvegi er klárlega verðmætt svæði eins og það er í dag og óverjandi að rífa það sísvona...má ekki reyna að samtvinna gamalt og nýtt eins og ég legg til í bloggfærslu frá því fyrr í dag.

Vilja að Klapparstíg 30 verði þyrmt

Sirkus, Hljómalind og litla græna lungað

Á að eyðileggja eitt skemmtilegasta götuhorn Laugarvegar?

Hornið við Laugarveg og Klappastíg er að mínu mati með skemmtilegusta stöðum á Laugarveginum með Sirkus og Hljómalind á aðra hönd, Kínahúsið á hina og þetta yndislega litla garðtorg þar á milli.

Þetta er eini opni græni bletturinn á neðanverðum Laugarvegi, lítið grænt lunga, þar sem á góðviðrisdögum er þó nokkurt mannlíf, jafnvel útimarkaður stöku sinnum. Á að eyðileggja þessa fallegu þorpsmynd sem þar er og litla græna blett með þessum fallegu trjám sem þar eru? Við þurfum á svona stöðum að halda á Laugaveginum, litlum grænum lungum innan um byggingarnar. 

Það væri miður ef að áform um uppbyggingar miðbæjarkringlu á þessum reit ( þ.e. Laugarveg, Klapparstígs, Hverfisgötu  og Smiðjustígs)  verða til þess að ryðja burt því mannlífi sem þarna hefur náð að festa rætur og dafna. Það er ekki svo að skilja að ég sé á móti uppbyggingu í miðbænum, öðru nær, ég tel að það sé nauðsynlegt og margt gott gerst í þeim efnum t.d. við ofanverðan Laugarveg, en það verður að miðast fyrst og fremst að því að styrkja það sem er þegar til staðar. 

Væri ekki nær að aðlaga nýbyggingaráform að því sem er, til að mynda að færa bygginguna innar í reitinn á þessum stað, garðtorgið gæti verið einskonar aðkoma gangandi fólks að nýju miðbæjarkringlunni.

Það væri jafnvel hægt að hugsa sér að stækka þetta litla garðtorg eða tengja öðru stærra í baklóðinni og gera þar vistlegt svæði sem myndi njóta þess skjóls sem er þar, ásamt því að byggja nýtt eða endurnýja verslunarhúsnæði sem snéri inn í þetta nýja torg.

 Ég er hjartanlega sammála þeim sem talað var við varðandi niðurrif á Sirkus í sjónvarpinu um daginn að það er undarlegt að það þurfi meiri rök fyrir því að halda því gamla en að rífa og byggja nýtt.